Պատասխանատու՝ Կարինե Շահբազյան

Արցախյան պատերազմի անմիջական հետևանք էր նյարդաօրթոպեդիկ վերականգնողական խնամքի կարիք ունեցող վիրավոր զինծառայողների և խաղաղ բնակիչների վարման վերցնելու հրատապ անհրաժեշտությունը։ Նման օգնություն ցուցաբերող ենթակառուցվածքները հազվադեպ են Հայաստանում և կենտրոնացած են մայրաքաղաք Երևանում: Արցախի հետ սահմանին գտնվող և այդ իսկ պատճառով պատերազմական գոտում հայտնված Գորիսում նման կառույց գոյություն չուներ։

Պատերազմից տուժածների կարիքներից զատ, ընդհանուր առմամբ, քրոնիկական նյարդաբանական և օրթոպեդիկ ախտահարումները (գլխուղեղի իշեմիկ կաթված, ցրված սկլերոզ, գլխուղեղի և ողնուղեղի ուռուցքներ, նյարդադեգեներատիվ հիվանդություններ, ողնաշարի հիվանդություններ և այլն) հազվադեպ են բժշկվում Հայաստանի մարզերում՝ համապատասխան կառույցների բացակայության պատճառով։