1. ՄՏԱՎՈՐ ՍԵՓԱԿԱՆՈՒԹՅՈՒՆ

1.1. Կայքը և դրա բաղադրիչ տարրերից յուրաքանչյուրը, մասնավորապես՝ տեքստերը, հոդվածները, տեղեկագրերը, բրոշյուրները, պլանները, հիմնաբառերի ամպերը, պատկերները, նկարազարդումները, լուսանկարները, տվյալների շտեմարանները, ծրագրակազմը, ապրանքանիշերը, լոգոները, ներբեռնման համար հասանելի ֆայլերը, տեսանյութերը կամ ձայնագրությունները, տեսահոլովակները, կայքի ընդհանուր կառուցվածքը, այսուհետ՝ Մտավոր սեփականության տարրեր, պաշտպանված են Ֆրանսիայի՝ մտավոր սեփականությանն առնչվող օրենսդրությամբ: Կայքում վերարտադրված ապրանքանիշերը և լոգոները գրանցված և պաշտպանված են որպես ապրանքային նշաններ:

1.2. Վերարտադրման բոլոր իրավունքները պաշտպանված են Կայքի մտավոր սեփականության բոլոր տարրերի համար: Մտավոր սեփականության տարրերի ամբողջական կամ մասնակի վերարտադրումն արգելվում է:

1.3. Օգտատերն իրավունք ունի միայն բացելու Կայքի էջերն իր էկրանին և վերարտադրելու Կայքի մտավոր սեփականության տարրերը միայն ժամանակավոր հիմունքներով՝ Կայքի նյութերին ծանոթանալու միակ նպատակով:

1.4. Օգտատերն իրավունք ունի տևական ժամանակ վերարտադրելու և ցանկացած կրիչով ներբեռնելու «Սանտե Արմենի»-ի հրապարակումները և, մասնավորապես, տեղեկագրերը միայն այն դեպքում, երբ նման կիրառությունը կատարվում է բացառապես անձնական, մասնավոր և ոչ առևտրային նպատակով: Օգտատիրոջը չի թույլատրվում այդ հրապարակումները փոխանցել երրորդ կողմերի, այդ թվում՝ էլեկտրոնային փոստով, և դրանք տրամադրել որևէ կայքից կամ սերվերից:

1.5. Օգտատերն իրավունք ունի կարճ մեջբերումներ անելու Կայքից՝ պայմանով, որ հստակ նշված են՝ փաստաթղթի ծագումը (այսինքն՝ «քաղվածք «Սանտե Արմենի» կայքից»), մեջբերվող փաստաթղթի կամ էջի անվանումը, հեղինակի անունը և փաստաթղթի ամսաթիվը, եթե դրանք հայտնի են: